Squid Game 2 ကို ဇူလိုင်တွင် စရိုက်မည်ဖြစ်ပြီး...
ဝက်ဝက်ကွဲအောင်မြင်ခဲ့သည့် Squid Game ဇာတ်လမ်းတွဲ Season 2 ကို လာမည့်ဇူလိုင်တွင် စတင်ရိုက်ကူးတော့မည်ဟု ဒါရိုက်တာ Hwang Dong Hyuk က အတည်ပြုကြေညာလိုက်သည်။ ဖေဖော်ဝါရီ ၂၄ ရက်က ဆုပေးပွဲတစ်ခုတွင် Hwang ကကြေညာလိုက်ခြင်းဖြစ်ပြီး သရုပ်ဆောင်ရွေးချယ်မှု ပြီးစီးသွားပြီဟုလည်း ဆိုသည်။ Season 2 ထွက်မည့်သတင်းကို မနှစ်ကတည်းကအတည်ပြုထားပြီး ဇာတ်ညွှန်းရေးနေပြီဟု မနှစ်ကစက်တင်ဘာတွင် ပရိသတ်များကို အသိပေးခဲ့သည်။ တစ်ဆက်တည်းမှာပင် Hwang က Season 1 တွင် မင်းသမီး Lee Yoo Mi နှင့် Jung Ho Yeon တို့ ဇာတ်ကောင်ကို ပရိသတ်အားပေးလွန်းမည် မထင်ခဲ့သည့်အတွက် ပေးသေခဲ့မိသည်ကို တောင်းပန်ကြောင်းနှင့် ၎င်းတို့နှစ်ဦးကိုပြန်ထည့်ရန် စဉ်းစားနေကြောင်း ပြောခဲ့သည်။ ယခုဖေဖော်ဝါရီလလယ်က အင်တာဗျူးတစ်ခုတွင် (လန်ဒန်တွင် ရုပ်ရှင်ရိုက်ကူးလျက်ရှိသည့်) မင်းသားလီဂျောင်ဂျေးက Squid Game 2 အကြောင်း ဖြေသွားသေးသည်။ Season 1 ဇာတ်သိမ်းကတည်းက Season 2 သည် လက်စားချေသည့်ဇာတ်လမ်းဖြစ်မည်ကို ပရိသတ်များသိကြမည်ဖြစ်ပြီး Season 1 တွင် ဂိမ်းအားလုံးကိုထိန်းချုပ်သူမှာ လီဗြောင်ဟွန်းဖြစ်သည့်အတွက် Season 2 တွင်လည်း ၎င်းတို့နှစ်ဦးသာ ဇာတ်လိုက်ဖြစ်ကြောင်း၊ ဇာတ်လမ်းတွဲတစ်ခုတွင် နှစ်ဦးစလုံးပါခဲ့ဖူးသော်လည်း တွဲရိုက်ရသည့်ဇာတ်ဝင်ခန်း မရှိခဲ့ကြောင်း၊ Squid Game 2 တွင်သာ ပထမဆုံးတွဲရိုက်တော့မည်ဖြစ်ပြီး Season 1 နည်းတူ ရိုက်ကူးချိန် ၁၀ လခန့်ကြာမြင့်နိုင်ကြောင်း ၎င်းကပြောခဲ့သည်။ Season 1 သည် ပြနေစဉ်အတောအတွင်း Netflix ၏ လူကြိုက် အများဆုံးဇာတ်လမ်းတွဲဖြစ်ခဲ့သည်။.
