တနင်္သာရီတိုင်းတွင် တနင်္သာရီမြစ်ရေကြီးမှုကြောင့် ဇူလိုင် ၂၅...
တနင်္သာရီတိုင်းတွင် တနင်္သာရီမြစ်ရေကြီးမှုကြောင့် ဇူလိုင် ၂၅ ရက်မှ ဩဂုတ် ၁ ရက်အထိ ကယ်ဆယ်ရေးစခန်း ၁၄ ခုဖွင့်လှစ်ပြီး ရေဘေးသင့်ပြည်သူ ၃၉၀၀ ကျော်ရှိကြောင်း ပြန်ကြားရေးဝန်ကြီးဌာနမှ သိရသည်။ တနင်္သာရီတိုင်းဒေသကြီး တနင်္သာရီမြို့နယ်အတွင်း ၂၀၂၄ ခုနှစ် ဇူလိုင် ဒုတိယအပတ်မှစတင်၍ မိုးများသည်းထန်စွာ အဆက်မပြတ်ရွာသွန်းမှုကြောင့် တနင်္သာရီမြစ်ရေသည် ဇူလိုင် ၃၁ ရက် ညနေအထိ တိုင်းတာချက်အရ တနင်္သာရီမြို့နယ်၏ အန္တရာယ်ရေအမှတ်ဖြစ်သည့် ၂၄ ပေအထက် ခုနစ်ပေတိတိ ကျော်လွန်ကာ ၃၁ ပေသို့ မြစ်ရေဝင်ရောက်ခဲ့ကြောင်း သိရသည်။ ထိုသို့မြစ်ရေဝင်ရောက်ခဲ့ရာ သြဂုတ် ၂ ရက် နံနက် ၉ နာရီအချိန်၌ ၂၇ ပေအထိ တဖြည်းဖြည်းပြန်လည်ကျဆင်းခဲ့ပြီး မြစ်ရေတံ့လျက်ရှိနေကြောင်း မြို့တွင်းရေဝင်ရောက်မှုအခြေအနေမှာ အမြင့်ဆုံးနေရာ၌ တစ်ပေခန့်နှင့် အနိမ့်ဆုံးနေရာတွင် ကိုးပေခန့်ရှိနေသေးကြောင်း သိရသည်။ ထိုသို့ မိုးများသည်းထန်စွာ ရွာသွန်းနေမှုကြောင့် မော်လမြိုင်-ထားဝယ်-ကော့သောင်း(ထုံခါးလမ်းအပိုင်း) ပြည်ထောင်စုလမ်းမကြီးပေါ်ရှိ လယ်တောင်ရွာကျေးရွာအနီး ဩဂုတ် ၁ ရက် ည ၁၂ နာရီအချိန် မြစ်ရေအခြေအနေမှာ (မိုင်တိုင်အမှတ်( ၈၃၄.၀Km မှ ၉၃၅.၀) km အကြား အလျား (ပေ၂၀၀၀)ခန့် အနက်(၆ပေ-၆လက်မ)/ အရှေ့မော်တုန်းကျေးရွာအနီးမှာ ၈၂၄.၀ Kmမှ ၈၂၅.၀ Km အကြား အနက် (၃ပေ)ခန်နှင့် အလျား(၁၅ဝပေ)ခန့်/ကော့မပြင်းကျေးရွာအနီးမှာ ၈၂၅.၀ Kmမှ ၈၂၆.၀ Km အကြား၌ အနက်(၄ပေ)နှင့်အလျား (၄၅ဝပေ) ခန့်နှင့် အော်ကြီးကျေးရွာအနီးတွင် ၈၂၇.၅ Km မှ ၈၂၈.၅ Km အကြားတွင် အနက် လေးပေနှင့် အလျား ၄၅ဝပေ ခန့် စသဖြင့် မြစ်ရေများလမ်းကျော်နေပါသဖြင့် ခရီးသွားမော်တော်ယာဉ်များ ဖြတ်သန်းသွားလာ၍မရလဲ ပြတ်တောက်လျက်ရှိကြောင်း သိရသည်။ ဆက်လက်ပြီး ရေဘေးသင့်ပြည်သူများ ထပ်မံပြောင်းရွှေ့မှုမရှိတော့ဘဲ ၂၀၂၄ ခုနှစ် ဇူလိုင် ၂၅ ရက်မှ ဩဂုတ် ၁ ရက်အထိ ကယ်ဆယ်ရေးစခန်း ၁၄ ခုနှင့် နီးစပ်ရာဆွေမျိုးများ နေအိမ်အသီးသီးသို့ အိမ်ခြေ ၈၃၆၊ အထိမ်ထောင်စု ၈၃၉ စုတို့မှ လူဦးရေ အမျိုးသား ၁၈၈၅ ဦး၊ အမျိုးသမီး ၂၀၅၄ ဦး၊ စုစုပေါင်း ၃၉၃၉ ဦးတို့သည် ရေလွတ်ရာယာယီသို့ ယာယီပြောင်းရွှေ့နေထိုင်လျက်ရှိကြောင်း ပြန်ကြားရေးဝန်ကြီးဌာနမှ သိရသည်။.
