ရုပ်ရှင်ရိုက်ရသည်ကို ကြိုက်သော်လည်း ဟောလိဝုဒ်လောကကို မကြိုက်ဟု...
ဟောလိဝုဒ်သရုပ်ဆောင်ဖြစ်ရသည့်အပေါ် သူ့ခံစားချက်ကို တွမ်ဟော်လန်းက အင်တာဗျူးတစ်ခုတွင် ရှင်းရှင်းလင်းလင်း ဖွင့်ဟပြောလိုက်သည်။ သူသည် ရုပ်ရှင်ရိုက်ကူးရသည်ကို အင်မတန်ကြိုက်သော်လည်း ဟောလိဝုဒ်အနုပညာလောကကို သူမကြိုက်ဟု Spider-Man: No Way Home သရုပ်ဆောင် တွမ်ဟော်လန်းက ဖြေခဲ့သည်။ အသက် ၂၇ နှစ်ရှိပြီဖြစ်သည့် ဟော်လန်းက Apple TV+ မှ ပြသည့် The Crowed Room ဇာတ်လမ်းတွဲ ရိုက်ကူးပြီးနောက်၊ သရုပ်ဆောင်အလုပ်ကို နားထားဦးမည်ဟု ပြီးခဲ့သည့်သီတင်းပတ်အနည်းငယ်က ကြေညာထားသည်။ ဟောလိဝုဒ်လောကသည် သူ့အတွက် ကြောက်စရာကောင်းကြောင်း၊ ကိုယ်တိုင်က ထိုလောကတွင် တစ်စိတ်တစ်ပိုင်း ပါဝင်နေသော်လည်း အတတ်နိုင်ဆုံးသာမန်ဘဝဖြင့် နေထိုင်နိုင်မည့်နည်းကို ရှာနေရကြောင်း၊ အတူကြီးပြင်းလာသည့် သူငယ်ချင်းများရှိပြီး ထိုလူများက ဟောလိဝုဒ်သို့ရောက်သွားပြီးနောက် သူငယ်ချင်းများ မဟုတ်တော့ကြောင်း တွမ်က ဆိုသည်။ တွမ်သည် အသက်ကိုးနှစ်မှစတင်ပြီး သရုပ်ဆောင်လောကသို့ ခြေချခဲ့သည်။.
