လေဖြတ်ဝေဒနာကို အခိုက်အတန့်ခံစားခဲ့ရသည့်အချိန်က သူ့ဘဝအတွက်...
ပြီးခဲ့သည့်မတ်လက ဂျက်စတင်ဘီဘာ၏ဇနီး မော်ဒယ်ဟေလီဘီဘာသည် လေဖြတ်သည့်ပုံစံလက္ခဏာများ ခံစားခဲ့ရပြီး သူ့နှလုံးတွင် အပေါက်ဖြစ်နေသည်ကို စစ်ဆေးတွေ့ခဲ့ရသည်။ လေဖြတ်သလိုဖြစ်ပြီး ဟေလီဘီဘာ ဆေးရုံတက်လိုက်ရသည်ဆိုသည့် သတင်းများထွက်လာပြီးနောက် ယခုတစ်လကျော် အကြာ ဟေလီက သူတွေ့ကြုံခဲ့သည့်ထိတ်လန့်ဖွယ်အတွေ့အကြုံကို ဖွင့်ဟပြောပြလာ သည်။ ဧပြီလကုန်ပိုင်းက သူ့ You Tube ချန်နယ်တွင် ဟေလီဘီဘာက မတ် ၁၂ ရက်က သူဖြစ်ပျက်ခဲ့သည်များကို ရှင်းပြထားသည့် ဗီဒီယိုကို တင်ထားသည်။ အသေးစား လေဖြတ်မှုတစ်ခုကို သူခံစားခဲ့ရကြောင်း၊ ထိုနေ့ က သူနှင့်ဂျက်စတင်ဘီဘာတို့ မနက်စာပုံ မှန်စားနေရင်း ရုတ်တရက် သူ့လက်ချောင်းများ ထုံကျင်လာသည်ကို ထူးထူးခြားခြားခံ စားမိလိုက်ကြောင်း၊ ထိုခံစားမှုက လက်တစ်ချောင်းလုံးအထိ ကူးစက်သွားကြောင်း၊ သူ့ မျက်နှာညာဘက်ကလည်း စတင်ရွဲ့ကျလာပြီး စကားတစ်ခွန်းတောင် မပြောနိုင်တော့ကြောင်း၊ ထို့နောက်သူလေဖြတ်နေပြီကို ချက်ချင်းသိလိုက်ကြောင်း ဟေလီက ပြန်ပြောင်း ပြောပြထားသည်။ ထိုဝေဒနာများ ခံစားလိုက်ရသည့် အချိန်သည် သူ့ဘဝတွင် ကြောက်စရာအကောင်းဆုံးအချိန်ဟုလည်း ဟေလီကပြော သည်။ ဟေလီသည် လက္ခဏာအများစုကို ယာယီသာခံစားလိုက်ရခြင်းဖြစ်ပြီး ဆေးရုံအရေးပေါ်အခန်းထဲ ရောက်သွားချိန် အတော်လေး ပုံမှန်ပြန်ဖြစ်နေပြီဖြစ်သည်။ ထို့နောက်ဆရာဝန်များ၏ ကောက်ချက်အရ အချို့သောအချက်များကြောင့် ထိုလက္ခ ဏာများခံစားရခြင်းဖြစ်နိုင်ကြောင်း၊ ထိုအချက်များက ဆရာဝန်နှင့်မတိုင်ပင်ဘဲတား ဆေးများသောက်နေပြီး ခေါင်းတခြမ်းကိုက် ရောဂါရှိနှင့်ပြီးသားဖြစ်သည့်အတွက် ပိုဆိုးသွားခြင်းဖြစ်နိုင်ကြောင်း၊ မကြာသေးမီက သူသည် ကိုဗစ်ကူးစက်ခံထားရပြီး ပဲရစ်သို့ အသွားအပြန် လေယာဉ်ကြာကြာစီးခဲ့ကာ လှုပ်လှုပ်ရှားရှား မနေခဲ့ခြင်းကြောင့်လည်း ဖြစ်နိုင်ကြောင်း အသက် ၂၅ နှစ်အရွယ် ဟေလီက ဆိုသည်။ ထို့ပြင် ဆေးစစ်မှုအချို့ပြုလုပ်ပြီး နောက် သူ့နှလုံး၏အပေါ်ဘက်ညာဘက်အခန်းနှင့် ဘယ်ဘက်အခန်းကြားတွင် အပေါက် ငယ်တစ်ခုဖြစ်နေသည်ကို တွေ့ခဲ့ပြီး ထိုအပေါက်ကိုပိတ်ရန် နောက်ပိုင်းဆေးရုံထပ် တက်ခဲ့သည်ဟု ဟေလီက ပြောဆိုခဲ့သည်။.
