ဟန်းနီးမွန်းအပြန် ဝတ်ထားသည့်ပုံစံကြောင့်...
ဟန်းနီးမွန်းထွက်ပြီး တောင်ကိုရီးယားကို ပြန်ရောက်လာသည်မှာ မကြာသေးသည့် BinJin တို့ဇနီးမောင်နှံသည် မိသားစုဝင်တိုး လာတော့မည်လားဆိုသည့် မေးခွန်းများနှင့် ရင်ဆိုင်နေရသည်။ မတ် ၃၁ ရက်က ဆိုးလ်မြို့တော်ရှိ Grand Walkerhill ဟိုတယ်အတွင်း ဆိတ်ငြိမ်သည့် Aston House တွင်ပြုလုပ်ခဲ့သည့် မင်းသား Hyun Bin နှင့်မင်းသမီး Son Ye Jin တို့၏မင်္ဂလာပွဲသို့ ဧည့်သည် ၃၀၀ နီးပါး တက်ရောက်ခဲ့ပြီး ပျားရည်ဆမ်းခရီးကို အမေရိကန်တွင် နှစ်ပတ်ကြာသွားရောက်ကုန်ဆုံး ခဲ့သည်။ ဟန်းနီးမွန်းမှပြန်လာပြီးနောက် ယခုသူ တို့နှစ်ဦးစလုံး လုပ်ငန်းခွင်ပြန်ရောက်နေကြပြီဖြစ်သော်လည်း မျက်စိလျင်သည့်ပရိသတ် အချို့နှင့် မီဒီယာအချို့က Son Ye Jin တွင် ကိုယ်ဝန်ရှိနေပြီဆိုသည့်အထင်မျိုး ပြောနေ ကြသည်။ ဟန်းနီးမွန်းမှပြန်လာသည့်နေ့က လေဆိပ်တွင် သူတို့စုံတွဲကို ပရိသတ်များနှင့်မီဒီယာများ စောင့်ဆိုင်းကြိုဆိုခဲ့ကြသည်။ Crash Landing On You စတားနှစ်ဦးက ဓာတ်ပုံများအရိုက်ခံသည့်အပြင် မီဒီယာများ သိလိုသည်များကိုလည်း ဖြေကြားပေးသွားသည်။ သို့သော် Hyun Bin ပြောလိုက်သည့်စကား တစ်ခွန်းက သတိထားစရာဖြစ်ခဲ့သည်။ “ Ye Jin ရဲ့အဝတ်အစားတွေက အခုဓာတ်ပုံရိုက်ဖို့ အဆင်မပြေဘူး” ဟု Hyun Bin က ပြောလိုက်သည့်အတွက် သို့လောသို့ လောဖြစ်ခဲ့ရသည်။ လေဆိပ်ကိုပြန်ရောက်လာသည့်နေ့က Ye Jin သည် အဖြူရောင်ခပ်ပွပွအကျႌကို အပြာရောင်ဘောင်းဘီပွ၊ sneaker ဖိနပ်တို့နှင့် တွဲဝတ်ထားခဲ့သည်။ သို့သော် ဟန်းနီးမွန်း ထွက်သွားသည့်နေ့က သူသည် အဖြူရောင် ကုတ်အကျႌကို ဒေါက်ဖိနပ်နှင့် တွဲဝတ်သွားခဲ့သည်။ အပြန်ခရီးတွင် သူ့ကိုပိုပြီး သက်သောင့်သက်သာရှိစေမည့်ပုံစံမျိုးကို ရွေးချယ် ဝတ်ဆင်ခဲ့ပုံရသည်။ သူတို့နှစ်ဦး၏ သက်ဆိုင်ရာအေဂျင်စီ များကမူ ကောလာဟလများကို ပြန်မတုံ့ပြန်သေးပေ။ “ရာစုနှစ်၏မင်္ဂလာပွဲ” ဟုတင်စားပြောရ လောက်အောင်ကြီးကျယ်ခဲ့သည့်၊ ပရိသတ်များစောင့်မျှော်ခဲ့ကြသည့် လက်ထပ်ပွဲအပြီး BinJin တို့စုံတွဲသည် ဟန်းနီးမွန်းအဖြစ် LA သို့အရင်ဆုံးသွားခဲ့ပြီး နယူးယော့ခ်စီးတီးရှိ စားသောက်ဆိုင်တစ်ဆိုင်တွင်လည်း သူတို့ကို မြင်လိုက်သူများရှိသည်။ သူတို့စုံတွဲကို Crash Landing On You ဇာတ်လမ်းတွဲတွင် စပြီး ပရိသတ်များ သဘောတူခဲ့ကြသည်။.
