ဗြိတိန်ဘုရင်က Blackpink အဖွဲ့အား ဂုဏ်ထူးဆောင်ဆုတံဆိပ်များ...
နိုဝင်ဘာ ၂၁ ရက်က ဘက်ကင်ဟမ်နန်း တော်တွင်ကျင်းပသည့် နိုင်ငံတော်ဂုဏ်ပြု ညစာစားပွဲတစ်ခုသို့ အဖွဲ့ တက်ရောက်ခွင့်ရခဲ့ပြီး နောက်တစ်နေ့ နိုဝင်ဘာ ၂၂ ရက်တွင် ဗြိတိန်ဘုရင်က သူတို့လေးဦးအား ဂုဏ်ထူးဆောင်ဆုတံဆိပ် များ ပေးအပ်ချီးမြှင့်ခဲ့သည်။ ညစာစားပွဲသို့ဖိတ်ကြားခံရသည့် ဧည့်သည် ၁၇၀ နီးပါးထဲတွင် ဂျီဆူး ၊ ဂျန်းနီ ၊လီဆာ နှင့် ရို့စ်တို့ပါဝင်ခဲ့ပြီး ဗြိတိန်သို့နိုင်ငံတော်ခရီးစဉ်အဖြစ်ရောက်လာသည့် တောင်ကိုရီးယား သမ္မတယွန်းဆော့ယိုနှင့် သမ္မတကတော်တို့ အတွက် ချားလ်စ်ဘုရင်နှင့်ကြင်ယာတော် ကမ်မီလာတို့က ဂုဏ်ပြုကျင်းပသည့်ပွဲဖြစ် သည်။ ၂၀၂၁ ခုနှစ်က စကော့တလန်တွင်ကျင်းပသည့် ကုလသမဂ္ဂရာသီဥတုအရေးဆိုင်ရာ ညီလာခံ(COP26)တွင် ဥက္ကဌတာဝန်ကျသည့် ဗြိတိန်နိုင်ငံအတွက် သံတမန်များအဖြစ် ဆောင်ရွက်ပေးခဲ့သည်ကို ဂုဏ်ပြုသည့်အနေ ဖြင့် Blackpink ကို MBEs ဆုတံဆိပ်များ ချီးမြှင့်ခဲ့ခြင်းဖြစ်သည်။ “ စူပါစတားတွေဖြစ်ရင်း ဒီလိုအရေးပါတဲ့ကိစ္စတွေကို သူတို့အလေးပေးနိုင်တာကိုက လေးစားဖို့ကောင်းတယ်။ Blackpink အဖွဲ့ ဖျော်ဖြေတာကို တစ်ချိန်ချိန်တော့ကြည့်ဖြစ်ဖို့ မျှော်လင့်တယ” ဟု ချားလ်စ်ဘုရင်ကပြော သည်။ ညစာစားပွဲသို့ ဗြိတိန်တော်ဝင်မိသားစုဝင်များအပြင် ဝန်ကြီးချုပ်ရီရှီဆူးနတ်လည်း တက်ရောက်လာသည်။ တောင်ကိုရီးယား သမ္မတကသူ့မိန့်ခွန်းတွင် နှစ်နိုင်ငံဆက်ဆံရေးကိုချီးကျူးခဲ့ပြီး ငယ်စဉ်ကသူနှင့်သူငယ်ချင်းများက Queen ၊ The Beatles ၊ အယ်လ်တန်ဂျွန်တို့၏ ပရိသတ်ဖြစ်ကြောင်း၊ ကိုရီး ယားနိုင်ငံသားအများစုက ဟယ်ရီပေါ်တာ စာအုပ်များကိုကြိုက်ကြောင်း ပြောခဲ့သည်။.
