လူစိမ်းများ၏ ချောင်းမြောင်းချဉ်းကပ်မှုနှင့် ကြုံခဲ့ရသည့်...
တောင်ကိုရီးယားနိုင်ငံ၏ ထိပ်တန်းအနုပညာရှင်စုံတွဲဖြစ်သည့် ရိန်းနှင့်ဇနီးကင်တေးဟီတို့က အီထယ်ဝန်မြို့ရှိ ၎င်းတို့ပိုင်နေအိမ်ကို ရောင်းချလိုက်ပြီး ကိုရီးယားဝမ် ၃.၂ ဘီလျံ အမြတ်ရခဲ့ကြသည်။ ကိုရီးယားသတင်းဌာနတစ်ခု၏ ဖော်ပြချက်အရ အီထယ်ဝန်ရှိအိမ်ကို ရိန်းတို့ဇနီး မောင်နှံက ကိုရီးယားဝမ် ၈.၅ ဘီလျံဖြင့် ရောင်းလိုက်ခြင်းဖြစ်ပြီး ထိုအိမ်ကို ၂၀၁၆ ခု နှစ်တွင် ရိန်း ဝယ်ယူခဲ့စဉ်က ကိုရီးယားဝမ် ၅.၃ ဘီလျံသာ တန်ခဲ့သည်။ ၎င်းအိမ်သည် MBC ရုပ်သံ၏ Point of Omniscient interfere အစီအစဉ်တွင် ရိန်းတို့ ထည့်ရိုက်ခွင့်ပြုခဲ့သည့် အိမ်လည်းဖြစ်သည်။ လူကုံထံရပ်ကွက်အတွင်း တည်ရှိပြီး ဟန်မြစ်နှင့် နမ်ဆန်မြစ်ရှုခင်းကို မျက်စိပသာ ဒဖြစ်ဖွယ်ခံစားရမည့်နေရာကောင်းဟုဆို ကြသည်။ ထိုအိမ်ရောင်းရမှုသည် ရိန်းတို့ဇနီး မောင်နှံအတွက် ပထမဆုံး အမြတ်ရမှုတော့ မဟုတ်ပေ။ ကင်တေးဟီသည် ဂန်းနမ်းရပ်ကွက်ရှိ အိမ်ရောင်းလိုက်စဉ်ကလည်း ကိုရီးယားဝမ် ၇.၁ ဘီလျံ ရထားသည်ဟု Korea Time က ဖော်ပြခဲ့ဖူးသည်။၎င်းအိမ်ကို ၂၀၁၄ ခုနှစ်၊ ဇွန်က ဝယ်ယူထားခြင်းဖြစ်သည်။ တောင်ကိုရီးယားအနုပညာလောကတွင် အနုပညာရှင်များအား အရူးအမူးစွဲလမ်း မိသူအချို့ ချောင်းမြောင်းလိုက်နှောင့်ယှက်သည့်ဖြစ်စဉ်များ ဖြစ်ပွားတတ်သည်။ထိုပရိသတ်များ၏ ပစ်မှတ်များက ကေပေါ့ဆယ်လီများနှင့် ထိပ်တန်းသရုပ်ဆောင်များဖြစ်တတ်သည်။ ပြီးခဲ့သည့်ဖေဖော်ဝါရီ ၂၇ ရက်၊ ည ၇ နာရီဝန်းကျင်တွင် အသက်လေးဆယ်ကျော် အမျိုးသမီးတစ်ဦးက အိမ်တံခါးဘဲလ်ကို အဆက်မပြတ်ခေါ်နေသည်ဟုဆိုကာ ရိန်းက ဆိုးလ်ယုံဆန်ခရိုင်ရဲတပ်ဖွဲ့အား တိုင်တန်းခဲ့ ဖူးသည်။ ထိုအမျိုးသမီးကိုလည်း ရဲကလာ ဖမ်းသွားသည်ဟု AllKpop သတင်းတစ်ခု က ဖော်ပြခဲ့သည်။ အလားတူ ၂၀၂၁ ခုနှစ်ကလည်း အီထယ်ဝန်ရှိရိန်းတို့နေအိမ်အပြင်ဘက်တွင် အမျိုးသမီးတစ်ဦး ဆူဆူညံညံလုပ်နေသဖြင့် ရဲတပ်ဖွဲ့ကိုအကြောင်းကြားခဲ့ရသည်။ ထိုအမျိုးသမီးက တံခါးဘဲလ်ကို မပြတ်နှိပ်ပြီး အော်ဟစ်နေသဖြင့် အိမ်နီးချင်းများပါ အနှောင့်အယှက်ဖြစ်ခဲ့ရသည်။ ကလေးသရုပ်ဆောင်ဘဝမှ စတက်လာသည့် ကင်ယူဂျန်ဆိုလျှင် မူလတန်းတက်စဉ်က ပြန်ပေးဆွဲခံရလုနီးပါး အဖြစ်မျိုးနှင့် ကြုံခဲ့ရသည်။.
