King The Land ဇာတ်လမ်းတွဲမှ လီဂျွန်ဟိုနှင့် ယူနာတို့ ဒိတ်နေဟု...
2 PM ကေပေါ့ယောကျ်ားလေးအဆို တော်အဖွဲ့မှ လီဂျွန်ဟိုနှင့် Girl’s Generation မိန်းကလေးအဆိုတော်အဖွဲ့မှ အင်ယူနာတို့ ဇာတ်လမ်းထဲတွင်သာမဟုတ်ဘဲ အပြင်တွင်ပါ ချစ်သူများဖြစ်နေကြသည်ဟု The Proof မီဒီယာက ဖော်ပြခဲ့သည်။ ထိုသတင်းကို အနုပညာလောကသား အတွင်းလူတစ်ဦးက ပြောပြခဲ့ခြင်းဖြစ်ပြီး သူ့အဆိုအရ JTBC ရုပ်သံမှထုတ်လွှင့်ပြသထားသည့် King The Land ဇာတ်လမ်းတွဲ မရိုက်ကူးမီကတည်းက သူတို့နှစ်ဦး မေတ္တာမျှနေခဲ့ပြီး ထိုအချက်ကြောင့်ပင် ဇာတ်လမ်းတွဲကို လက်ခံခဲ့ခြင်းဖြစ်သည်ဟု သိရသည်။ ၂၀၂၁ ခုနှစ်ကတည်းက MBC သီချင်းပွဲတော်တွင် အစီအစဉ်မှူးများဖြစ်သည့် လီဂျွန်ဟိုနှင့် ယူနာတို့နှစ်ဦး၏ စုံတွဲအက တင်ဆက်မှုသည် နှစ်နှစ်ဆက်တိုက် ချီးကျူးခံလာရပြီး ပရိသတ်ကသူတို့နှစ်ဦးကို ရုပ်ရှင်တွဲရိုက်စေ ချင်ခဲ့သည်။ နောက်ဆုံးတွင် King The Land ဇာတ်လမ်းတွဲကြောင့် ပရိသတ်ဆန္ဒများ ပြည့်ဝခဲ့ရသည်။ နှစ်ဦးစလုံးသက်တူရွယ်တူဖြစ်ပြီး အနုပညာလောကသို့ ဝင်ရောက်ခဲ့သည့်အချိန်လည်း အတူတူနီးပါးဖြစ်ကာ အဆိုတော်ဘဝဖြင့် အောင်မြင်လာပြီးသည့်နောက် သရုပ်ဆောင်ဖက်ကို ခြေဆန့်ခဲ့ကြသည်။ အပိုင်း ခြောက်ပိုင်းပါဝင်သည့် King The Land ဇာတ်လမ်းတွဲကလည်း လူကြိုက်များလျက်ရှိသည်။ သူတို့နှစ်ဦး၏ အေဂျင်စီကုမ္ပဏီများဖြစ်သည့် SM နှင့် JYP Entertainment တို့ကမူက ယခုသတင်းကို ငြင်းဆန်ထားသည်။ အေဂျင်စီများ၏ တရားဝင်ထုတ်ပြန်ချက်တွင် အနုပညာရှင်နှစ်ဦး ဒိတ်နေသည်ဆိုသည့်သတင်းမှာ အမှန်မဟုတ်ဟု ဆိုထားသည်။.
