ကမ္ဘာကျော်ဘောလုံးစတားနေမာ တောင်ကိုရီးယားနိုက်ကလပ်တစ်ခုသို့ ...
PSG အသင်း၏ ဘရာဇီးတိုက်စစ်မှူး နေမာသည် တောင်ကိုရီးယားသို့ရောက်ရှိနေ ခိုက် နိုက်ကလပ်တစ်ခုသို့ သွားရောက်ပြီး ကိုရီးယားဝမ် ၁၂ သန်းသုံးခဲ့သည်ဟု Money Today မီဒီယာကဖော်ပြထားသည်။ နေမာသည် ၎င်းနိုက်ကလပ်သို့ မနက် ၁ နာရီတွင်ရောက်လာပြီး မနက်ငါးနာရီ မိနစ် ၃၀ အထိနေခဲ့ကာ၊ တစ်ပုလင်းကို ကိုရီးယား ဝမ် ၁.၅၀ သန်းတန်ကြေးရှိသည့် Dom Perignon ရှမ်ပိန်ကို သောက်သွားသည်ဟု ထိုသတင်းကရေးသားထားသည်။ အွန်လိုင်းသုံးစွဲသူများကမူ ထိုသတင်းအောက်တွင် ထေ့ငေါ့သည့်မှတ်ချက်များ ဝင်ရေးခဲ့ကြပြီး “နည်းနည်းလေးသုံးသွားတာပဲ” ၊ “သူ့အတွက်စျေးပေါမနေဘူးလား” စသည့် မှတ်ချက်များလည်း ပေးကြသည်။ နေမာနှင့် ဘရာဇီးဘောလုံးအသင်းသည် ဇွန် ၂ရက်တွင် ချစ်ကြည်ရေးပွဲကစားရန် တောင်ကိုရီးယားသို့ ရောက်ရှိနေခြင်း ဖြစ်သည်။.
