ကလေးများနေ့ နှစ် ၁၀၀ ပြည့် အထိမ်းအမှတ်အဖြစ် IU က Green Umbrella...
နာမည်ကျော်အဆိုတော် IU က တောင် ကိုရီးယားနိုင်ငံ၏ တရားဝင်သတ်မှတ်ထားသော ကလေးများနေ့ဖြစ်သည့် မေ ၅ ရက်နေ့ အထိမ်းအမှတ်အဖြစ် အမှတ်တရတစ်ခုကို မျှဝေခဲ့သည်။ News 1 သတင်းဌာန၏ ဖော်ပြချက်အ ရ IU သည် ကလေးများနေ့တွင် Green Umbrella ကလေးဖောင်ဒေးရှင်းသို့ ဝမ်သန်း ၁၀၀ (၇၈,၇၆၇ ဒေါ်လာ) ကို လှူဒါန်းခဲ့သည်ဟု ဆိုသည်။ IU ၏လှူဒါန်းမှုကို ဝင်ငွေနည်းပါးသော မိဘတစ်ဦးတည်းမှ ပြုစုပျိုးထောင်နေရသည့် ကလေးများ၊ ဘိုးဘွားများက ပြုစုပျိုးထောင်နေရသည့် ကလေးများအတွက် နေထိုင်စရိတ် ကုန်ကျမှုများကို ထောက်ပံ့ပေးသွားမည်ဖြစ်သည့်အပြင် မိဘမဲ့ကလေးများကိုထားရှိသည့် အဆောက်အအုံများကို ပြန်လည်ပြုပြင်ရန်အတွက် အသုံးပြုသွားမည်ဖြစ်သည်ဟု ဆိုသည်။ အဆိုတော်အဖြစ် ၎င်း၏ပွဲဦးထွက်ကတည်းက ကောင်းမှုကုသိုလ်များကို ပုံမှန်ပြုလုပ်လေ့ရှိသည့် IU သည် ၂၀၁၅ ခုနှစ်ကတည်းက လိုအပ်နေသည့်ကလေးများအတွက် ကလေးများနေ့ရောက်တိုင်း နှစ်စဉ် လှူဒါန်းမှုများ ပြုလုပ်လျက်ရှိသည်။ ယခုနှစ်တွင်ကျရောက်သည့် နှစ် ၁၀၀ ပြည့် ကလေးများနေ့ကို ဂုဏ်ပြုသောအားဖြင့် သူသည် ပိုမိုအဓိပ္ပာယ်ပြည့်ဝသော ကောင်းမှုကုသိုလ်များကို ပြုလုပ်ခဲ့ခြင်းဖြစ်သည်။ ယင်းလှူဒါန်းမှုများအပြင် IU သည် လိုအပ်နေသူများ၊ COVID-19 ကြောင့် လူမှုရေးဆိုင်ရာ အခက်အခဲကြုံတွေ့နေရသူများ၊ ရေဘေးနှင့် တောမီးဘေးကြုံတွေ့နေသူများနှင့် ဝင်ငွေနည်းပါးသော မိသားစုများကို ပုံမှန်လှူဒါန်းမှုများ ပြုလုပ်ခဲ့သည့်အတွက် ၎င်းပွဲဦးထွက်သည့် ၂၀၀၈ ခုနှစ်ကတည်းက အလှူအတန်းရက်ရောသည့် ပြယုဂ်အဖြစ် ရွေးချယ်ခံခဲ့ရသည်။ IU သည် လက်ရှိအချိန်တွင် သရုပ်ဆောင်တစ်ဦးအဖြစ် ၎င်း၏အနုပညာ လှုပ်ရှားမှုများကို အာရုံစိုက်လျက်ရှိသည်။.
