စားသုံးဆီ၊ ဆေးဝါးနှင့် ဓာတ်မြေသြဇာတင်သွင်းသည့် ကုမ္ပဏီများသို့...

နိုင်ငံခြားသုံးငွေများ ရောင်းဝယ်ဖောက်ကားသည့်လုပ်ငန်း (AD) လိုင်စင်ရဘဏ်များအနေဖြင့် ၂၀၂၄ ခုနှစ် သြဂုတ် ၁ ရက်တွင် နိုင်ငံခြားငွေကြေးစျေးကွက်တွင် ‌စားသုံးဆီတင်သွင်းသည့်ကုမ္ပဏီများ၊ ဆေးဝါးနှင့် ဆေးဝါးနှင့်ဆက်စပ်သောပစ္စည်းများ တင်သွင်းသည့်ကုမ္ပဏီများနှင့် ဓာတ်မြေသြဇာတင်သွင်းသည့် ကုမ္ပဏီများသို့ Fx Trading Platform မှ တစ်ဆင့် ထိုင်းဘတ် ၆၉ သန်းနှင့် တရုတ်ယွမ် ၉ သန်းတို့အား ရောင်းချပေးမည်ဖြစ်ကြောင်း ဗဟိုဘဏ်က ထုတ်ပြန်ထားသည်။ မြန်မာနိုင်ငံတော်ဗဟိုဘဏ်အနေဖြင့် ဇူလိုင် ၃ ရက်က Online Trading Platform တွင် နိုင်ငံခြားသုံးငွေများ ရောင်းဝယ်ဖောက်ကားသည့်လုပ်ငန်း (AD) လိုင်စင်ရဘဏ်များမှတစ်ဆင့် နိုင်ငံခြားငွေဝယ်ယူလိုကြောင်း တင်ပြလာသည့် စားသုံးဆီ၊ ဓာတ်မြေသြဇာနှင့် ဆေးနှင့် ဆေးပစ္စည်းများတင်သွင်းသည့် ပို့ကုန်သွင်းကုန်လုပ်ငန်းရှင်များအား ဒေါ်လာ ၅ ဒသမ ၄ သန်း ရောင်းချပေးခဲ့သည်။ ဇူလိုင် ၂ ရက်က ဗဟိုဘဏ်အနေဖြင့် နိုင်ငံခြားငွေကြေးစျေးကွက်တွင် ပို့ကုန်သွင်းကုန်လုပ်ငန်းရှင်များအား Online Trading Platform မှတစ်ဆင့် ဒေါ်လာငါးသန်း ရောင်းချပေးခဲ့သည်။ ဇွန်လအတွင်း ဗဟိုဘဏ်က ပို့ကုန်သွင်းကုန်လုပ်ငန်းရှင်များအား Online Trading Platform မှတစ်ဆင့် ဇွန် ၂၅ ရက်က ထိုင်းဘတ်သန်း ၄၀၊ ဇွန် ၁၇ ရက်က ဒေါ်လာငါးသန်းကို ရောင်းချပေးခဲ့သည်။.