လီဆာနှင့် ပတ်ဘိုဂမ် ဒိတ်နေသည်ဟု အွန်လိုင်းပရိသတ်များ ထင်ကြေးပေးနေ

BLACKPINK အဖွဲ့ဝင်လီဆာတွဲနေသည့် အမျိုးသားက သရုပ်ဆောင်ပတ်ဘိုဂမ်ဟု အွန်လိုင်းပရိသတ်များက ထင်ကြေးပေးနေကြသည်။ ဇွန် ၁၈ ရက်တွင် လီဆာက ဘရူနိုမားစ် ဖျော်ဖြေပွဲသို့ အမျိုးသားတစ်ဦးနှင့်တွဲတက်ခဲ့ပြီး ၎င်းအမျိုးသားဝတ်ဆင်ထားသည့် Celine ဦးထုပ်နှင့် အဝတ်အစားတို့ကိုကြည့်ပြီး ပရိသတ်က ပတ်ဘိုဂမ်ဟု ယူဆနေကြသည်။ လီဆာနှင့် ပတ်ဘိုဂမ်တို့ နှစ်ဦးစလုံးက Celine ဖက်ရှင်ကုမ္ပဏီ၏ ambassador များ ဖြစ်ကြသည်။ရှိုးပွဲချိန်တစ်လျှောက်လုံး ၎င်းတို့နှစ်ဦးက ဘေးချင်းယှဉ်ရပ်နေခဲ့သည့်အတွက်လည်း ပရိသတ်ကို သံသယပိုစေခဲ့သည်။ သို့သော် သူငယ်ချင်းဆက်ဆံရေးဟုသာ နှစ်ဖက်စလုံးက အတည်ပြုထားသေးသည်။ ၎င်းတို့နှစ်ဦးသည် Celine ambassador ဖြစ်လာပြီးနောက် ပိုရင်းနှီးလာခဲ့ကြပြီး အခမ်းအနားအများစုတွင် တွဲတွေ့ရတတ်သည်။ ပတ်ဘိုဂမ်သည် BTS အဖွဲ့ဝင်ဗွီနှင့် သူငယ်ချင်းဖြစ်ပြီး ဗွီကလည်း လီဆာနှင့်တစ်ဖွဲ့တည်းသား ဂျန်းနီနှင့် သတင်းများထွက်ထားသူ ဖြစ်သည်။.