ကုလသမဂ္ဂ ကမ္ဘာ့စားနပ်ရိက္ခာအစီအစဉ်(WFP)၏ ကားတစ်စီး...

ကုလသမဂ္ဂ ကမ္ဘာ့စားနပ်ရိက္ခာ အစီအစဉ်(WFP)က ဂါဇာကမ်းမြောင်တွင် ၎င်း၏ ဝန်ထမ်းများသွားလာခြင်းကို ယာယီရပ်ဆိုင်းထားမည်ဟု သြဂုတ် ၂၈ ရက်တွင် ပြောကြားလိုက်ပြီး သိသာထင်ရှားစွာ အမှတ်အ သားများလုပ်ထားသောWFP ကားများထဲ ကကားတစ်စီးသည် အစ္စရေးစစ်တပ်၏စစ် ဆေးရေးဂိတ်ကိုချဉ်းကပ်လာစဉ် အနည်းဆုံး ကျည်ဆန် ၁၀ တောင့် ထိမှန်ခဲ့သည်ဟုဆိုသည်။ သံချပ်ကာယာဉ်နှစ်စီးပါသော ယာဉ်တန်းသည် သြဂုတ် ၂၇ ရက်ညနေပိုင်းတွင် ၀ါဒီဂါဇာ တံတားစစ်ဆေးရေးဂိတ်ကို သွားရန် အစ္စရေးအာဏာပိုင်များထံမှယာဉ်ထွက် ခွာခွင့်များကို အကြိမ်ကြိမ်ရရှိခဲ့သည်ဟု WFP ကထုတ်ပြန်ချက်တွင် ဖော်ပြထားသည်။ အဆိုပါယာဉ်တန်းထဲက ကားတစ်စီး ကို ကျည်ဆန်များ ထိမှန်ခဲ့သည်ဆိုသော်လည်း ထိခိုက်သူမရှိခဲ့ဟု ဆိုသည်။ ယင်းဖြစ်ရပ်ကို ဖြေကြားပေးရန် ရိုက်တာသတင်းဌာန၏မေးမြန်းမှုအားအစ္စရေး စစ်တပ်က ချက်ချင်း ပြန်ကြားခြင်းမရှိပေ။ “ဒါဟာ စစ်ပွဲအတွင်းဖြစ်ပွားတဲ့ ပထမဆုံး လုံခြုံရေးပြဿနာမဟုတ်ပေမယ့်လို အပ် တဲ့ယာဉ်ထွက်ခွာခွင့်တွေရရှိထားပေမယ့်လည်း စစ်ဆေးရေးဂိတ်နားမှာ WFP ယာဉ် တစ်စီးတိုက်ခိုက် ပစ်ခတ်ခံရတာ ယခုအကြိမ်ဟာ ပထမဆုံးဖြစ်ပါတယ်”ဟု WFP က ထုတ်ပြန်ချက်တွင် ဆက်လက်ဖော်ပြထား သည်။ ကျည်ဆန်များ ထိမှန်သည့်အခါ အဆိုပါယာဉ်သည် အစ္စရေး စစ်ဆေးရေးဂိတ်နှင့် မီတာအနည်းငယ်အကွာကို ရောက်နေသည်ဟု ဆိုသည်။ တိုက်ပွဲများ၊ မလုံခြုံမှုများ၊ စားနပ်ရိက္ခာ အကူအညီများကို သယ်ယူပို့ဆောင်နေသော လမ်းကြောင်းများနှင့်ယာဉ်များကို ထိခိုက်စေသော လူအများအပြားရွှေ့ပြောင်းရေးညွှန်ကြားချက်တို့သည် ဂါဇာ၌ ဆောင်ရွက်နေသော အကူအညီပေးရေးလုပ်ငန်းများကို ကြီးကြီးမားမား အကန့်အသတ်ဖြစ်စေသည်ဟု လူသားချင်းစာနာမှုရေးရာ ပူးပေါင်းဆောင်ရွက်ရေးအတွက် ကုလသမဂ္ဂရုံးက သြဂုတ် ၂၈ ရက်တွင် ထုတ်ပြန်ခဲ့သည်။ ကုလသမဂ္ဂလုံခြုံရေးကောင်စီသည် ဂါဇာ၌ လူသားချင်းစာနာမှုအခြေအနေနှင့်ပတ်သက်၍ ဗြိတိန်နှင့်ဆွစ်ဇာလန်တို့၏မေတ္တာရပ်ခံချက်အရ သြဂုတ် ၂၉ ရက်တွင် အစည်းအဝေး ကျင်းပမည်ဖြစ်သည်။ “ပိုလီယို ဖြစ်ပွားတာကို တားဆီးဖို့ ကာကွယ်ဆေးထိုးနှံရေးကိစ္စ အလောတကြီး လိုအပ်နေချိန် ဂါဇာမှာအကူအညီပေးရေး လုပ်ငန်းတွေနဲ့ အကူအညီပေးရေး ဝန်ထမ်းတွေ အန္တရာယ်ရှိနေတယ်ဆိုတာကို ကုလသမဂ္ဂက သတိပေးထားပါတယ်”ဟု ဗြိတိန်၏ကုလသ မဂ္ဂမစ်ရှင်က လူမှုမီဒီယာ X တွင် ပို့စ်တင်ခဲ့သည်။ ကုလသမဂ္ဂသည် ဂါဇာရှိ ခန့်မှန်းခြေ ကလေး ၆၄၀,၀၀၀ ကို ကာကွယ်ဆေးထိုးနှံပေးရန် ပြင်ဆင်လျက်ရှိသည်။ ဂါဇာ၌ ၁၀ လသားယောကျ်ားလေးသည် အမျိုးအစား-နှစ် ပိုလီယိုဗိုင်းရပ်စ်ကြောင့် သွက်ချာပါဒ လိုက်သွားသည်ဟု ကမ္ဘာ့ကျန်းမာရေးအဖွဲ့က ပြောကြားခဲ့ပြီး ယင်းသည် ဂါဇာကမ်းမြောင်၌ ၂၅ နှစ်အတွင်း ပထမဆုံး ဖြစ်စဉ်ဖြစ်သည်ဟု ဆိုသည်။ ဂါဇာ၌အစ္စရေးဆင်နွှဲနေသောစစ်ပွဲ ကြောင့် ပါလက်စတိုင်းသား၄၀,ဝဝဝကျော် သေဆုံးခဲ့သည်ဟု ဂါဇာကျန်းမာရေးအာဏာပိုင်များကပြောသည်။.