၅၅ ကြိမ်မြောက် ထီဖွင့်ပွဲတွင် ကျပ်သိန်း ၅၀၀ တစ်ဆု၊ ကျပ်သိန်း ၂၀၀...
၅၅ ကြိမ်မြောက် ထီဖွင့်ပွဲတွင် ကျပ်သိန်း ၅၀၀ တစ်ဆု၊ ကျပ်သိန်း ၂၀၀ နှစ်ဆု၊ ကျပ်သိန်း ၁၀၀ တစ်ဆုအပါအဝင် ဆုမဲတစ်သောင်းကျော် ထုတ်ယူရန် ကျန်ရှိနေကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်တွင်းအခွန်များဦးစီးဌာန အောင်ဘာလေသိန်းဆုဌာနခွဲက ထုတ်ပြန်သည်။ ထုတ်ပြန်ချက်တွင် ၂၀၂၃ ခုနှစ် အောက်တိုဘာ ၁ ရက်တွင် ဖွင့်လှစ်ခဲ့သော ၅၅ ကြိမ်မြောက် ကျပ် ၁၀၀၀ တန် အောင်ဘာလေသိန်းဆုဖွင့်ပွဲတွင် ဆုမဲ ၁၁၃၀၄၂ ဆု ခွဲဝေချီးမြှင့်ခဲ့ရာ ဆုမဲ ၁၁၄၀၆ ဆုကို ယနေ့တိုင် တောင်းခံခြင်းမရှိသေးကြောင်း တွေ့ရှိရသည်ဟု ထုတ်ပြန်ချက်တွင် ပါရှိသည်။ အဆိုပါလာရောက်ထုတ်ယူခြင်းမရှိသော ကျပ်သိန်း ၅၀၀ တစ်ဆု၊ ကျပ်သိန်း ၂၀၀ နှစ်ဆု၊ ကျပ်သိန်း ၁၀၀ တစ်ဆု၊ ကျပ်သိန်း ၅၀ ခြောက်ဆု၊ ကျပ်သိန်း ၂၀ သုံးဆု၊ ကျပ် ၁၀ သိန်း ခြောက်ဆု၊ ကျပ်သုံးသိန်း ၁၄ ဆု၊ ကျပ်နှစ်သိန်း ၂၇ ဆု၊ ကျပ်တစ်သိန်း ၆၈၈ ဆု၊ ကျပ်ငါးသောင်းဆု ၂၃၁၀ ဆုနှင့် ကျပ်တစ်သောင်းဆု ၈၃၄၈ ဆု စသည့်ဆုရလက်မှတ်များကို ၂၀၂၄ ခုနှစ် စက်တင်ဘာ ၃၀ ရက်အထိ ရန်ကုန်မြို့နှင့် မန္တလေးမြို့ရှိ အောင်ဘာလေသိန်းဆုဌာနခွဲရုံးများသို့ တင်ပြ၍ ဆုငွေများကို တောင်းခံနိုင်ကြောင်း ထုတ်ပြန်ချက်တွင် ဖော်ပြထားသည်။ အဆိုပါဆုမဲများအား စက်တင်ဘာ ၃၀ ရက်အထိ ထုတ်ယူခြင်းမရှိပါက အခွန်ဘဏ္ဍာအဖြစ် သိမ်းယူသွားမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်တွင်းအခွန်များဦးစီးဌာန အောင်ဘာလေသိန်းဆုဌာနခွဲက ထုတ်ပြန်သည်။.
