စာချုပ်ပါအချက်များ ချိုးဖောက်မှုဖြင့် FIFTY FIFTY အဖွဲ့က...
ညှိနှိုင်းမရသည့်ပြဿနာများကြောင့် FIFTY FIFTY ကေပေါ့အဖွဲ့မှ အဖွဲ့ဝင်လေး ဦးစလုံးက သူတို့နှင့်စာချုပ်ချုပ်ထားသည့် ATTRAKT အေဂျင်စီကို တရားစွဲဆိုထားပြီး တရားစွဲရသည့်အကြောင်းရင်းကို အဖွဲ့ဝင်လေးဦးအတွက် ကိုယ်စားပြုသည့် Barrun Law ရှေ့နေကုမ္ပဏီက ကြေညာထားသည်။ အေဂျင်စီနှင့် ချုပ်ထားသည့်စာချုပ်များကို ရပ်ဆိုင်းခွင့်ပြုရန် အဖွဲ့ဝင်လေးဦးက ဆိုးလ်ခရိုင်တရားရုံးသို့ ဇွန် ၁၉ ရက်တွင် လျှောက်တင်လိုက်ပြီး၊ ပြဿနာကိုပြေလည်အောင် ဆောင်ရွက်ပေးရန် အေဂျင်စီသို့ စာပေးပို့ အသိပေးခဲ့သော်လည်း အေဂျင်စီက အဖွဲ့ဝင်များ၏သဘောထားကို ဂရုမစိုက်၊ ပြင်ပအေဂျင်စီများ၏ စွက်ဖက်မှုပါနေသည်ဟုပင်ဆိုကာ သူတို့ဘက်မှ စာချုပ်ချိုးဖောက်သည်ကို ရှင်းလင်းမှုမပြုလုပ်ခဲ့ပေ။ ထို့ပြင် အဖွဲ့ဝင်အာရန် ခွဲစိတ်မှုပြုလုပ်ခဲ့သည်ကိုလည်း မတိုင်ပင်ဘဲ ဖွင့်ချကြေညာခဲ့သည့် အေဂျင်စီ၏လုပ်ရပ်၊ ငွေကြေးကိစ္စတွင် ပွင့်လင်းမြင်သာမှုမရှိခြင်း၊ အဖွဲ့ဝင်များ နေ၍မကောင်းသည့်တိုင် ပရိုမိုးရှင်းပြုလုပ်ခိုင်းခြင်းများကိုလည်း အဖွဲဲ့ဝင်လေးဦးစလုံးက စိတ်ပျက်နေကြသည်။.
