မန္တလေးမြို့ရှိ ပရဟိတမင်းခေါင်အသင်းတာဝန်ရှိသူများကို PDF...
မန္တလေးမြို့ရှိ ပရဟိတမင်းခေါင် အသင်းတာဝန်ရှိသူများကို PDF များနှင့် ဆက်သွယ်ဆောင်ရွက်မှုဖြင့် ဖမ်းဆီးစစ်ဆေးနေကြောင်း လုံခြုံရေးအဖွဲ့နှင့်နီးစပ်သူများ၏ ပြောကြားချက်အရသိရသည်။ ပရဟိတမင်းခေါင်အသင်း တာဝန်ရှိသူများကို မန္တလေးတိုင်းဒေသကြီးဝန်ကြီးချုပ်ဟောင်း NLD ပါတီဒုတိယဥက္ကဋ္ဌ ဒေါက်တာဇော်မြင့်မောင်၏ နာရေးတွင်ကူညီခြင်းကြောင့်ဖမ်းဆီးခြင်းမဟုတ်ဘဲ PDF အဖွဲ့များနှင့် ဆက်သွယ်ဆောင်ရွက်ခြင်းကြောင့် ဖမ်းဆီးစစ်ဆေးနေခြင်းဖြစ်ကြောင်း သိရသည်။ လုံခြုံရေးအဖွဲ့နှင့်နီးစပ်သူတစ်ဦးက" ပရဟိတမင်းခေါင်အသင်းတာဝန်ရှိတွေကို ဖမ်းဆီးစစ်ဆေးနေတယ် ဆိုတာဟုတ်ပါတယ် ။ ဖမ်းဆီးရမိတဲ့ကွင်းဆက်တရားခံတွေရဲ့ ထွက်ဆိုချက်အရ ဒီပရဟိတအသင်းက PDF တွေနဲ့ ဆက်နွယ်ဆောင်ရွက်နေမှုတွေရှိတယ်လို့ သိရတယ် ။ လတ်တလောစစ်ဆေးဆောင်ရွက်ချက်တွေအရ မသက်ဆိုင်တဲ့သူတွေကို ပြန်လွှတ်ပေးထားပါတယ် ဒေါက်တာဇော်မြင့်မောင်နာရေးတွင် ကူညီမှုကြောင့် ဖမ်းဆီးမည်ဆိုပါက အခြားပရဟိတအသင်းများကို ဖမ်းဆီးရမည်ဖြစ်သော်လည်း အခြားမည်သည့်အသင်းမှ ဖမ်းဆီးထားခြင်းမရှိဟု ၎င်းကဆိုသည်။ ဒေါက်တာဇော်မြင့်မောင်နာရေးမှာ ပါဝင်ကူညီခဲ့လို့မဟုတ်ပါဘူး ။နာရေးမှာ တစ်ခြားပရဟိတအဖွဲ့တွေလည်း ပါဝင်ပေမယ့် သူတို့ကို ဖမ်းမှမဖမ်းတာ"ဟု လုံခြုံရေးအဖွဲ့များနှင့် နီးစပ်သူတစ်ဦးက ပြောကြားသည်။ ပုသိမ်ကြီးမြို့နယ်ရှိ ပရဟိတမင်းခေါင် အသင်းအား ဒေါက်တာဇော်မြင့်မောင်နာရေးတွင် ပို့ဆောင်ကူညီခြင်း များအတွက် ဖမ်းဆီးခြင်းဖြစ်ကြောင်း Exile မီဒီယာအချို့တွင် သတင်းများဖော်ပြထားသည် ကိုတွေ့ရသည်။.
